हीच का जगरीत?

एक छोटेसे घरटे
दोन पिले दोघेजण
राहत होते घरट्यात
नव्हती काही अडचण

आजुबाजु होत्या घारी
त्यांचा घरट्यावर डोळा
संधीसाधु खेळ त्यांचा
करण्या घरट्याचा चोळामोळा

त्यांस सहन होइना
खेळीमेळीची राहाणी
त्यानी मग ठरविले
यांना द्यायच्या अडचणी

एके दिवशी अचानक
घारीने झडप घातली
छोटी पिलुराणी
त्यांनी तिथेच चटकली

असुर हा जागा झाला
झाला घरट्याचा नाश
त्याच्या समोरच झाला
कुटुंबाचा सर्वनाश

घार बोलली मोठ्याने
शुद्रा तुझी हीच गत
दुबळ्याचा जातो जीव
हीच का जगरीत?